Сонин содон

Монгол улс аз жаргалын индексэрээ ДЭЛХИЙД

НҮБ-ын Ерөнхий Ассамблейн 2012 оны хуралдаанаар хүн гэдэг амьтан сайн сайханд тэмүүлж, аз жаргалтай байхыг чиг мөрөөдлөө болгодог учраас “Аз жаргалын өдөр”-тэй байх нь зүйтэй гэсэн шийдвэр гарган, жил бүрийн гуравдугаар сарын 20-ны өдрийг “Дэлхийн аз жаргалын өдөр” болгон зарлажээ. Энэ өдөр улс орнууд зохих хэмжээнд боловсрол ба соён гэгээрүүлэх хөтөлбөрийг ашиглан тэмдэглэж байх зөвлөмж өгч байв. Учир нь энэ өдөр дэлхийн бараг ихэнх газар өдөр, шөнө тэнцдэг бөгөөд дэлхийн бүх хүн эрх тэгш, аз жаргалтай байхыг бэлгэдэн гуравдугаар сарын 20-ны өдрийг сонгосон байна.


НҮБ-ын Тогтвортой хөгжлийн асуудал эрхэлсэн хорооноос жил бүр гаргадаг “World Happiness Report” тайланг Пүрэв гариг (2021.03.18) танилцуулжээ. Энэ удаагийн тайланд Монгол Улс аз жаргалын индексээр 5.6 оноогоор дэлхийн 149 улсаас 70-д жагссан байна.

Дэлхийн хамгийн аз жаргалтай улсаар Финланд улс 7.8 оноогоор дахин нэрлэгдсэн бол удаах байруудад Исланд, Дани, Швейцар, Нидерланд улсууд жагсчээ. Хамгийн их ахиц гарсан улс бол Хорват бөгөөд өмнөх жагсаалтад 79-т бичигдэж байсан бол энэ удаа 23-р байрт бичигдэн, 56 байраар урагшилсан байна. АНУ 18-р байраас 14 рүү, Их Британи 13-р байраас 18 руу тус тус ухарчээ. Харин дэлхийн хамгийн аз жаргалгүй улсуудаар Энэтхэг, Бурунди, Йемен, Танзани, Гайти, Малави, Зимбабве, Афганистан зэрэг улсууд нэрлэгдсэн байна.

Улс орнуудын иргэдийн аз жаргалын түвшинг тодорхойлохдоо дундаж наслалт, нийгмийн халамж, авлигын түвшин, нэг хүнд ногдох ДНБ, иргэний эрх чөлөө, ажлын байрны баталгаа, авлигын түвшин, мөн олон нийтийн санал асуулгын дүн зэрэг хэд хэдэн үзүүлэлтийг харгалзан уг тайланг гаргадаг байна.

Мөн аз жаргалын индексийг амьдралын чанар, эерэг болон сөрөг сэтгэл хөдлөлийн үзүүлэлтэд тулгуурлан гаргадаг бөгөөд амьдралын чанар гэдэг нь өдөр тутам эрүүл, тогтвортой амьдрах суурь хэрэгцээ хангагдсан байдлыг хэлдэг байна. Энэ удаагийн тайлангийн үзүүлэлтэд цар тахал ба түүнээс үүссэн бусад сөрөг өөрчлөлтүүд ихээр нөлөөлснийг судалгааг гүйцэтгэсэн мэргэжилтнүүд онцолжээ.

Related Articles

Leave a Reply

Your email address will not be published.

Back to top button