Кино урлаг

Солонгосын шилдэг ”Parasite” киноноос дутахааргүй 9 кино.

Орчин үед Өмнөд Солонгос маш олон зүйлээр дэлхийд тэргүүлж байгаа билээ. Технологийн дэвшил, к-поп давлагаанаас гадна уран сайхны болон цуврал кинонуудаараа дэлхий ертөнцийг байлдан дагуулж байгааг бид бүхэн мэднэ. Саяхан “Parasite” гэх кино “Оскар”-ын шагнал хүртсэн болохыг та санаж байгаа биз. Ингээд Өмнөд Солонгосын хамгийн шилдэг 10 кинотой танилцацгаая.

9.”Train to Busan” (2016)

Horror төрлийн маш сайн хийгдсэн кинонууд Солонгост олон байдаг бөгөөд сүүлийн үед гарсан энэхүү кино нь тус төрлийн кинонууд дундаа маш өндөр үнэлгээтэй байгаа.

Солонгос улс даяар нян дэгдэлт гарахад тус улсын сүүлчийн аюулгүй газарт тооцогдох Бусан хүрэх галт тэргэнд суусан хэсэг бүлэг хүмүүс амь гарахын тулд тэмцэлдэнэ. Уг кинонд энэ төрлийн кинонуудад байдаг өнгө төрхөөс гадна зохиогчийн сайтар тунгаасан хэсгүүд, тэвчишгүй эргэлтүүд, гайхалтай адал явдалт хэсгүүд багтдаг. Ийм олон төрлийг багтааснаас гадна зарим хэсэгт нь тэр бүх замбараагүй байдлын дундуур сэтгэл хөдлөм сайхан сэтгэлтнүүд бас гарна.

8.The Brotherhood of War (2004)

1950 оны зун И Жин Тэгийн гэр бүлд таатайгаар хандана. Түүний ээж болон сүйт бүсгүй гоймонгийн худалдааг амжилттай хийж, харин бага дүү И Жин Сук нь сургуульдаа амжилттай суралцах бөгөөд киноны гол дүр маань гуталчны ажлаа сайн хийж намар гэхэд өөрийн байртай болохыг хүснэ.

Харамсалтай нь гэнэт дайн дэгдэж, тэдний бүхий л хүсэл мөрөөдөл, итгэл найдварыг үгүй хийнэ. Эсрэг талын арми хотод нь орж ирэхээс өмнө гэр бүлийнхэн хотыг орхихоор шийдэх аж. Гэвч галт тэрэгний буудал дээр И Жин Сук болон түүний найзыг талбар руу явж буй галт тэрэг рүү хүчээр чихэх болно. Жин Тэ дүүгээ цэргээс гаргахыг оролдох боловч энэ нь бүтэшгүй санаа болохыг ойлгож, түүний хамтаар цааш явдаг.

7.The Man from Nowhere (2010)

Ча Тэ Шик төдийлөн сайхан зантай нэгэн биш бөгөөд тогтмол гунигтай, бухимдалтай байдаг. Тэрээр ломбарданд ажилладаг. Түүний гэрт ирдэг цор ганц зочин нь хөрш айлын Со Ми охин юм. Бяцхан охин муу ээжтэйгээ хамт амьдардаг. Со Ми хачирхалтай хөрштэйгөө харилцахдаа ихээхэн дуртай байдаг бөгөөд тэр хөрш ахыгаа сайн гэж боддог. Учир нь тэр охины өмнө хаалгаа хаадгүйгээс гадна, хооллож, хонохыг хүртэл зөвшөөрдөг байна.

Нэгэн өдөр Со Мигийн ээж томоохон асуудалд орж, хэрэгтнүүд охиныг ээжийнхэн хамт аваад явдаг аж. Ингээд Ча хөршдөө туслахаар шийдэж, төлөвлөгөөгөө зохион хэрэгжүүлнэ.

6.Spring, Summer, Fall, Winter… and Spring (2003)

Нуурын дундах өнчин арал дээр байрлах сүм дотор нийгмээс тусгаарлагдсан багш болон түүний сурагч амьдарна. Хөгшин багш байгаль дэлхий, эмийн ургамал, орчлонгийн явдлын талаар өөрийн мэдэх бүх зүйлээ шавьдаа зааж сургана.

Цаг хугацаа өнгөрөх тусам бяцхан хүү өсөж, нэгэн бүсгүйд дурласнаар арлаа орхиж явах болно. Гэвч тэрээр хэрэг хийж, нарсны хаалгыг татах бөгөөд гарсаныхаа дараа хуучин амьдарч байсан газраа ирнэ. Ингээд арал дээр ирснээр тэр сурагчтай болж, өөрийн туршлага дээр үндэслэж, амьдралын талаар зааж сургах болно.

5.The Handmaiden (2016).

Залуухан бүсгүй Сүк Хи баян авхай Хидэкогийн гэрт гэрийн үйлчлэгчээр ажиллахаар болно. Гэхдээ тэрээр хэрэгтэн, буруу хүмүүсийн дунд өссөн учир баян авхайн гэрт зөвхөн гэрийн үйлчлэгч хийхээр ирээгүй бололтой

Тэрээр өөрийн хамтрагч Фүживара-д баян хатагтайн сэтгэлийг булаахад туслах ёстой юм. Залуу Хидэкогийн сэтгэлийг татаж, түүнтэй гэрлээд, дараа нь бүсгүйг шар хадны эмнэлэгт өгч, өөрөө түүний хөрөнгийг өвлөж авах төлөвлөгөөтэй байжээ. Ингээд Сүк Хи ажиллагаандаа орж эхэлсэн ч төд удалгүй эзэгтэйдээ дурласнаар бүх зүйл орвонгоороо эргэнэ.

4.Memories of Mur.der (2003)

Солонгосын нэгэн жижиг хотод цуврал хэрэг гарч эхлэнэ. Мөрдөгч Пак болон Чо нар баримт цуглуулах, байцаалтыг хийхдээ нэлээд хурц, ширүүн аргуудыг ашигладаг.

Хажуугаар өнгөрсөн бүсгүй рүүгээ таагүй эсвэл ёжтой харсан хүн бүр сэжигтний тоонд орно. Ялангуяа оюун ухааны асуудалтай нэгэн залууг тэд гол хэрэгтэн хэмээн үзсэн ч Сөүлээс ирсэн мөрдөгч Со залууг ямар ч буруугүй болохыг тогтооно.

3.Empty house (2004)

Тэ Сук үргэлж мотоциклтой явдаг нэгэн бөгөөд амьдрах газраа өвөрмөцөөр олдог байна. Тэрээр айлуудын хаалга эсвэл цоожин дээр сурталчилгааны мэдээлэл нааж, хэсэг хугацааны дараа ирж шалгадаг бөгөөд хэрвээ сурталчилгааны цаасыг хуулаагүй байвал тухайн айлд хэд хоногийг өнгөрүүлдэг аж.

Гэхдээ ийнхүү амьдарч байх хугацаандаа тэрээр гэрийн эздэд таатай, ашигтай зүйлийг хийж өгнө. Тэрээр хувцас угааж, цахилгаан хэрэгсэл янзлаж, цэцэгс хүртэл усалдаг байна. Харин ээлжит байранд орох үедээ тэр гэрт ганцаараа биш байгаагаа мэддэг боловч гэрийн эзэгтэй бүсгүй чимээгүй Тэ Сукийг ажиглаж нөхөр рүүгээ ч тэр, цагдаагийн байгууллага руу ч залгадаггүй аж.

2.Joint Security Area (2000)

Өмнөд болон Хойд Солонгос хоорондын хилийн хориотой бүсэд 2 цэрэг еед болдог , хоёр улсын нэг нэг цэрэг шархадсан байдалтай олдсон байна.

Мөрдлөгийг европын Софи Э.Чан ахлагчтай мөрдлөгийн багийнхан хийхээр болно. Бүсгүй хоёр талын мэдүүлгийг анхааралтай гэгч нь судлах боловч амьд гарсан цэргүүд үг дуу цөөтэй байсан учир бүсгүй үйл явдлыг өөрөө тогтоохоор ажилладаг аж.

1.Oldboy (2003)

О Дэ Суг нэгэн үл таних хүн хул.гайлж, түүнийг хорино. Тэрээр 15 жилийг тэрхүү камертаа өнгөрүүлэх бөгөөд хэн, ямар шалтгаанаар түүнийг хорьсныг огт мэдэхгүй. Ингээд нэгэн өдөр тэрээр эрх чөлөөтэй болох болно.

Түүний төлөвлөгөөнд тухайн үл мэдэх хүнийг олж, хариугаа авах байсан ч тэрээр Ми До хэмээх залуухан бүсгүйтэй танилцана. Энэ хооронд нууц эрхэм хоёр дахь төлөвлөөгөөгөө гол дүрийн эр дээр хэрэгжүүлж эхэлнэ. Тэрээр О Дэ Су-г өнгөрсөн бүх хийсэн зүйлсээ санахад нь туслах бөгөөд энэ үйл явдалд голчлон Ми До-г ашиглах аж.

Related Articles

Leave a Reply

Your email address will not be published.

Back to top button